monydxb | la pureté oils

الحالة شعر افريقي خفيف وجود فراغات وتساقط وجودة شعر تعبانة بسبب استخدام منتجات غير مناسبة مع وجود تراكمات على الفروة خليت جدولها: ١-ديرما سامب مره بالاسبوع ٢-كورس الفروه ٣ مرات بالاسبوع ٣-ترك الحنا والسدر لعدم تناسب مسامية الشعر ٤-شامبو منقي باول ميتشل مره بالاسبوع والنتيجة بالصور امتلت الجوانب بالشعر والمقدمه كان عندها تراجع الهيرلاين او بما يسمى بانحسار خط الشعر زادت صحة الفروة وصارت نظيفة بدون حكة وقشرة وbuild up كوالتي الشحن تحسن مع لمعة وسماكة #lapureteoils

Im glad😘

طريقة تعقيم الديرما ستامب واستخدامه اول مره اذا طلعتيه بقراطيسه مايحتاج تعقيم لانه اييج جاهز و معقم ويكون مذكور هالشي اما عقب عقمي بعد كل استخدام ✅وكخطوه احتياطيه عقمي قبل كل استخدام ايضاً… عقمي اما بالرش او بالنقع النقع يكون لمده ربع ساعه او ١٠ دقايق وانفضيه عدل او اتركيه يجف بالهوا دقايق وسكريه بغطاه وخليه ع وضعيه افقية اذا بالرش بنرش وايد عقب ننفض شوي ونخليه بالهوا يجف لدقايق ونسكره بغطاه ونخليه بوضعيه افقيه ✅الافضل نخصصه حق الفروه مانستخدمه حق البشره او الوجه! اشتري اشتري ديرما ستامب ثاني وخصصيه للوجه ولا اي شي غير فروتج! ✅لما نستخدمه نختم عشر مرات بمنطقة وحده ونحرك حول المكان كل مرة مثل ما سويت بالفيديو ✅مانشد بزيادة ونضغط بزياده ونتعور ولا نختم بطريقة مانحس فيها بوخز بالفروة ويكون اللمس سطحي وايد ومانحس بالابر….. ❌مولازم نحط هدف براسنا ان لازم يطلع دم او لازم نتعور عشان الضغط يكون صحيح ……. ✅الدم اذا طلع يكون طبيعي اذا قياس الابر ٠٧ وطالع بس ممنوع يزيد عن ١ ونص مل ! ✅والدم لما يكون طبيعي يكون نقاط صغيرة بدون تورم ونزيف والم شديد.. ❌ممنوع الديرما ستامب لمن يعاني من اكزيما غير مسيطر عليها او صدقيه او قشره من التهاب او فرط السيبو او الزهم او بمعنى اخر فرط دهنيه الفروة oiliness issues او الفروة الحساسة او الفروة الجافة جداً بسبب تضرر حاجز الجلد ✅الديرما بدليه كل شهرين واذا حافظتي على تعقيمه ونظافته بيكمل وياج ٣ شهور مايصير اكثر لتجنب البكتريا والجراثيم استخدميه مره كل اسبوع او مره كل اسبوعين مب اكثر والا بتعيقين استشفاء الجلد ❌ ✅استخدام الديرما يتطلب حرص في تهيئة الفروه ونظافتها مافيها تراكمات ولادهون ولاعرق ولا وصخ 💡اذا متلعوزه ومب متاكدة من نظافه فروتج ونوعها دهني وماتبين تغسلين شعرج قبل وبعد الديرما وجدولج مزحوم او او … مو مشكله ✅اغسلي شعرج بالشامبو عقب جففي شعرج واستخدمي الديرما ستامب ولاتطبقين الزيت بعدها عشان ماتضطرين تغسلين مره ثانيه! خصصي يوم محدد في الاسبوع يكون لجلسة الديرما ستامب 💡اذا تبين تغسلين شعرج مره باليوم وتضربين عصفورين بحجر وتستفيدين من امتصاص اكبر للزيت ✅اغسلي شعرج فالليل واليوم الثاني لما تصحين استخدمي الديرما ستامب وطبقي اما التركيبة الاولى او الثانية وانتظري ساعه او ساعتين وخذي شاور!

الصورتين الاوليين كانن ب٢٠٢٣ ، في بدايه٢٠٢٤ قلت بجرب الديرما وشاركتكم الفكرة بما ان زاد التوتر عندي ف قلت لازم اجرب خاصه وان وايد من عملائي يستخدمونه وكنت ماستمر صراحه لين شهر ٩ قلت ببدا احاول التزم لان شعري يحتاج شي زياده وبديت ومرات مره كل اسبوع ومرات مره كل اسبوعين استخدم قياس٠.٧ او ١ مل اكثر من جي ما ارتاح شخصيا وماعيبني جدولي لما كنت افوت اسبوع ماستخدمه الحين ب٢٠٢٥ قررت خلاص التزم فيه قبل التركيبه الاولى واذا كنت حدي بزي استخدمه بدون تطبيق الزيت بس اهم شي التزم مره بالاسبوع يرجى مراعاة الاستخدام والتعقيم كما هو مذكور بالوبسايت ومحتوى التيكتوك مؤخرا زياده ع ذلك الديرما ممنوع لمرضى السكري

🧄

اسرع مفعول لكورس الفروة مثال: الاحد التركيبة الثانية ساعتين وناخذ شاور الثلاثاء التركيبة الاولى ساعتين وناخذ شاور الخميس غسل الفروة بشامبو منقي الجمعه ديرما ستامب ثم تطبيق التركيبة الاولى ساعتين وبعدها شاور 💡كيف تكون الفروة جاهزه لتطبيق الزيت والديرما وتكون نظيفة عشان استعد لتطبيق الجدول؟ باختصار كل ما بدا يدهن شعرج خذي شاور اول بأول لاتتركين شعرج يدهن ايام بهالعادة بتضمنين ان فروتج ع مدار الاسبوع جاهزة لتطبيق الزيت وجلسة الديرما في اي يوم تبينه وحددي ايام بجدولج (3 ايام)عشان تلتزمين وابتعدي عن العشوائية 💡خليت الشامبو المنقي قبل جلسة الديرما بيوم عشان نضمن نشيل اي تراكمات محتمله ع الفروة ونهيئها (انا شوي حريصة ودقيقة بالتعامل مع الديرما) + مانضطر نغسل الشعر مرتين بنفس اليوم 💡هذا trick حلو ويختصر علي استفيد 2 في 1 وضامنة ان فروتي جاهزة (تطبيق الزيت بعد الديرما يضاعف امتصاص المغذيات اضعاف المرات) 💡الي فروتها تدهن وايد اغسلي شعرج بشامبو منقي فالليل ونامي ونشي الصبح وسوي جلسة الديرما وطبقي الزيت بعدها